ბოლო წლებში, გროვერებს შორის, ჰიდროფონიკის სისტემები უფრო და უფრო პოპულარული ხდება. ასევე, გროვერები სასურველი შედეგის მისაღებად მრავალ განსხვავებულ ტექნიკასაც იყენებენ. მათ შორის ყველაზე იაფი, მარტივი და ეფექტურია ეგრეთწოდებული ebb and flow, რომელიც სხვა ჰიდროფონიკური მეთოდებისგან გამოირჩევა. ამ ტექნიკით ჩვენ მუდმივად არ ვტოვებთ ფესვებს წყალში, არამედ მცენარე სველ და მშრალ ფაზებში გადაგვყავს.
ეს სისტემა, რომელიც მცენარისთვის პერიოდულად საკვები მინერალებით გამდიდრებული წყლის მიწოდებასა და შემდეგ ფესვების გაშრობას მოიცავს, ასევე ცნობილია როგორც “flood and drain”. ეს მოდელი ეხმარება მცენარეს მიღებული მინერალები კარგად შეითვისოს და ამავდროულად დიდი რაოდენობით ჟანგბადი მიიღოს, რაც მცენარეს არიდებს ობისა და სხვა პათოგენების წარმოქმნას.
ამ მეთოდის რამდენიმე ვარიანტია შემუშავებული, რომელთაგან ყველაზე მარტივი მცენარის ქოთნებში მოთავსებაა ტიპური ჰიდროფონიკის სეთაფით. თიხის კენჭები ან ქვები ფესვების ერთ ადგილას ფიქსაციისთვის გამოგადგებათ. ფესვებმა წყლის მიღებისთანავე ნელ ნელა შრობა უნდა დაიწყონ.
მცენარეები თავსდება სპეციალურ საზრდელ უჯრებში, რომლებიც თავის მხრივ მოთავსებულია საკვები ნივთერებებით მდიდარი წყლით სავსე ავზებზე. ავზებში მოთავსებული ტუმბო ამ წყალს გარკვეული ინტერვალებით აიტანს საზრდელ უჯრებამდე, სადაც ქოთნეებში მოთავსებული ნახვრეტებიდან ფესვები იჟღინთება მინერალებით სავსე წყლით. როცა ტუმბო გამორთულია წყალი კვლავ ჩაედინება ავზებში და ფესვები შრება. აქედან მოდის სახელიც “Ebb and flow.”
ეს სისტემა უზრუნველყოფს მცენარეების ძლიერ და ჯანსაღ ფესვებს. მშრალი ფაზის დროს, წყლით და საკვები ნივთიერებებით „მშიერ“ მცენარეს, როდესაც ისევ ვაწვდით წყალს და მინერალებს ფესვები მათ მაქსიმალურად იწოვს, რაც მათ საშუალებას აძლევს შეინახონ ეს საკვები და პერიოდულად მიიღონ როცა დასჭირდებათ. ანალოგიურად დატბორვის ფაზის შემდეგ, სადაც მცენარეებს შეზღუდული აქვთ ჰაერის მიწოდება, ისინი დიდი რაოდენობით აითვისებენ მას.
სხვა ჰიდროფონიკის სისტემებთან შედარებით Ebb and flow ბევრად მარტივი ასაწყობი და მოსავლელია, ვინაიდან მთელი პროცესის ავტომატიზაციაა შესაძლებელი. თქვენ კი ამ პროცესში მინიმალური ჩარევა დაგჭირდებათ. ტუმბოს ტაიმერზე დაყენებით იმ სამუშაოს მოცულობა, რისი შესრულებაც მცენარის შეუფერხებელი და უპრობლემო ზრდისთვის დაგჭირდებათ ძალიან მცირეა.
Ebb and Flow-ს მოხერხებულობას ისაც განაპირობებს, რომ მის ასაწყობად არ დაგჭირდებათ დიდი და ძვირადღირებული აღჭურვილობა.
ასევე ისეთი მახასიათებლების კონტროლი, როგორიცაა ტემპერატურა და მჟავიანობა, მარტივად, ავზებში წყლის გათბობით/გაგრილებით ან მჟავის/ტუტეს დამატებით შეგიძლიათ. ეს მეთოდი სხვებთან შედარებით ნაკლებ სიფრთხილეს და ყურადღებას მოითხოვს.
მაგრამ საქმე ასე მარტივადაც არაა. განსაკუთრებული ყურადღება და სიფრთხილე სისტემის სწორად აწყობასა და გამართვას სჭირდება. სისტემის გაუმართაობამ შესაძლოა მთელი შრომა წყალში ჩაგიყაროთ
მექანიზმის ამუშავებამდე საჭიროა ისეთი საკითხების წინასწარ განსაზღვრა, როგორიცაა growing medium -ის შერჩევა, სადაც მცენარემ ფესვები უნდა განავითაროს. როგორც ზემოთ აღვნიშნეთ არსებობს ჰიდროფონიკის რამდენიმე სახის გარემო. მისი შერჩევისას საჭიროა გაითვალისწინოთ შრობის სისწრაფე.
მნიშვნელოვანია შეარჩიოთ ისეთი მასალა, რომელიც ნელა, მაგრამ საფუძვლიანად შრება. შრობის ეტაპზე გარკვეული რაოდენობის ტენი მაინც მიაღწევს ფესვებამდე, მაგრამ მისი რაოდენობა იმდენად მცირე უნდა იყოს, რომ ფესვებმა ტენივერ შეიწოვოს.
ასევე განსასაზღვრია ფესვების წყალში ჩაძირვების დღიური რაოდენობა. მისი განსაზღვრისას უნდა გაითვალისწინოთ კლიმატი და ფესვთა სისტემის გარემო (growing medium). გრილ კლიმატში ან ისეთ ნელა-შრობად გარემოში, როგორიცაა ქვაბამბა, დღეში ორი ჩაძირვა საკმარისი იქნება, უფრო თბილ კლიმატში ან სწრაფად შრობად გარემოში ჩაძირვების საჭირო რაოდენობამ შესაძლოა დღეში ოთხსაც მიაღწიოს.
სტანდარტულად თითო ebb and flow ციკლი ნახევარ საათს უნდა მოიცავდეს, საიდანაც 15 წუთის მანძილზე ტუმბო ჩართული უნდა იყოს, რასაც დაახლოებით 15 წუთიანი ავტომატური შრობის პროცესი მოსდევს.
