უკვე წელიწადზე მეტია ლოქდაუნები და სოციალური დისტანცირება ჩვენთვის ნორმადაა ქცეული. კოვიდთან ბრძოლის არასტანდარტული გზების ძებნისას მეცნიერების ნაწილის ყურადღება მარიხუანამ მიიპყრო, მცენარის ძლიერი ანთების საწინააღმდეგო და ანტიმიკრობული თვისებების გამო. იმის მიუხედავად, რომ კოვიდის წინააღმდეგ კანაფის ეფექტურობაზე გარკვეული პერიოდი სპეკულაციები ვრცელდებოდა, მკვლევარმა ჯგუფმა საბოლოოდ მართლა გამოაქვეყნა კვლევა, სადაც ნათქვამია, რომ მაღალი CBD-ს შემცველი გარკვეული ჯიშები მართლაც აფერხებენ ვირუსის ორგანიზმში მოხვედრას.
პანდემიის გავრცელების პირველივე დღეებიდან მკვლევარები ვირუსის უჯრედებამდე მიღწევის შეფერხების გზებს ეძებენ. მათ აქცენტი პროტეინზე, სახელად-angionsin-converting enzyme 2 ანუ ACE 2, გააკეთეს, რომელიც უჯრედულ მემბრანაზე გვხვდება და ერთგვარი რეცეპტორის როლს ასრულებს, რომელსაც ვირუსი უერთდება, ამ უჯრედში შესვლის მიზნით. ჩვენს ენაზე რომ ვთქვათ, ACE2 ACE2 ერთგვარი ფეისკონტროლია ვირუსებისთვის. ACE 2-ს დიდი წილი უჭირავს როგორც ფილტვის ქსოვილში, ასევე პირისა და ცხვირის ღრუს ლორწოვანში-ეს ყველაფერი ადამიანის რესპირატორულ სისტემას კოვიდისთვის ადვილად შეღწევადს ხდის. საბედნიეროდ კანაფი შესაძლოა სწორედ აქ წარმოადგენდეს გამოსავალს.
Aging-ში გამოქვეყნებულ სტატიაში მკვლევარები ხსნიან როგორ შექმნეს მათ 800 მაღალი-CBD სთრეინი და როგორ გატესტეს კოვიდით დაავადებული ქსოვილის ნიმუშებზე. მთლიანი მცენარეული ექსტრაქტების გამოყენებით მათ დაადგინეს, რომ ამ ჯიშების გარკვეულმა რაოდენობამ გამოიწვია ACE2-ს რეგულირება პირის ღრუს, სასუნთქი გზების და ნაწლავის ქსოვილებში. ქსოვილების უჯრედებში ACE2– ს ექსპრესიის შემცირებით, მაღალი-CBD კანაფი ამცირებს უჯრედის კოვიდით დაინფიცირების შანსს.
კვლევაში გამოყენებული ექსტრაქტებიდან ოთხმა მათგანმა უჯრედებში ACE2-ის შემცირებაში განსაკუთრებულად კარგი ეფექტი იქონია. ყველა მათგანს CBD თანაფარდობა 30:1 ქონდა, მათგან ერთს კი- 40:1. კიდევ ერთი
კარგი ამბავი ის იყო, რომ ეს მაღალი CBD სთრეინები მნიშვნელოვნად ამცირებდა კიდევ ერთ ენზიმს სახელად TMPRSS2, რომელიც ასევე ეხმარება ვირუსს უჯრედში შეღწევაში.
მაგრამ, როცა ჯგუფმა ჯგუფმა ექსპერიმენტი სუფთა CBD-თ გაიმეორა მათ ACE2 და TMPRSS2-ზე ზეგავლენა ვერ მოახდინეს. მსგავსად არც სუფთა კანაბიგეროლმა (CBG) იქონია დადებითი ეფექტი. ეს ნიშნავს, რომ ეფექტური მხოლოდ მთლიანი მცენარის ექსტრაქტი აღმოჩნდა.
მკვლევარები დასკვნაში წერენ რომ მათ ჭირდებათ ისეთი კანაბიმოიდებისა და ტერპენენის იდენტიფიცირება, რომლებსაც განცალკევებით ისეთივე ეფექტი ექნებათ, როგორიც მთლიან ექსტრაქტებს, მაგრამ ფაქტია, რომ მცენარის ყვავილების ექსტრაქტი უფრო ძლიერია, ვიდრე ცალკეული ნაერთები.
საბოლოოდ, იმის მიუხედავად, რომ ეს ყველაფერი ძალიან კარგად ჟღერს, ვერ ვიტყვით, რომ კოვიდისგან თავის დაცვა ჯოინთის მოწევით შეგიძლიათ.
