დაგვიდასტურე ასაკი

KUSH (კუში) კანაფის ერთ-ერთი განთქმული სახეობაა, რომელიც სამოცდაათიანებში აღმოაჩინეს ავღანეთისა და პაკისტანის საზღვარზე არსებულ ჰინდუ კუშის მთებში.

ეს სახეობა, რომელიც ბუნებრივად ამ რეგიონში იზრდება ამერიკელმა მოგზაურებმა ჩაიტანეს თავიანთ სამშობლოში. კუში მალევე იმდენად ცნობილი გახდა მთელ მსოფლიოში, რომ კანაფის მომხმარებლების უმეტესობას ერთხელ მაინც აქვს გასინჯული.

ამ გენეტიკის მქონე ყველა სთრეინი ერთნაირ მახასიათებლებს იზიარებს:

• გამოირჩევა იასამნისფერში გარდამავალი მწვანე შეფერილობით.

• მათი მჭიდროდ განლაგებული მასიური ნაყოფი იღებს უჩვეულოდ ლამაზ, ჟანგის და ბრინჯაოს ფერს.

• ყვავილობის პერიოდში მათი ყვავილოვანი და ციტრუსოვანი არომატი იმდენად მკვეთრია, რომ შეუძლია მთელი სახლი მოიცვას.

• რაც ყველაზე მნიშვნელოვანია, კუშის სახეობა მძლავრი ეიფორიული ეფექტით გამოირჩევა. მას ცერებრალურ კანაფს მიაკუთვნებენ.

• ამ სახეობას ბევრი ადამიანი ირჩევს მარტივი ზრდის პროცესის გამო. მას არ სჭირდება განსაკუთრებული კლიმატი და ზომაშიც საკმაოდ კომპაქტურია, რაც  ამ სთრეინების გაზრდას მოსახერხებელს ხდის.

იმის მიუხედავად, რომ გარკვეულ საკითხებში ყველა კუში ერთმანეთს გავს, მათ შორის ისეთი სხვაობები მაინცაა, რომ მათში არჩევანის მრავალფეროვნებაზე ვისაუბროთ. მათში სწორედ ისეთ სხვაობებს ვაწყდებით, რომლებსაც არჩევისას ყველა აქცევს ყურადღებას.

ახლა, როდესაც მათ საერთო თვისებებზე მოგიყევით, ამ სთრეინების თავისებურებებზე ვისაუბროთ:

Afghan Kush

თუ თქვენ ტრადიციულ, სუფთა ინდიკას ეძებთ, რომელიც ხანგრძლივად გამოგზაურებთ 70-ანების სტილში, მაშინ ეს სთრეინი თქვენთვის იდეალურია.

Afghan Kush ერთ ერთი ყველაზე პოპულარული სთრეინია შეერთებულ შტატებში და შეიძლება ითქვას, რომ საქართველოშიც. მას ხანგრძლივი და ძლიერი ზემოქმედება ახასიათებს. მისი გამოიყენება განტვირთვისთვისაც შესაძლებელია და სამედიცინო მოხმარებისთვისაც. სამედიცინო სფეროში Afghan Kush გამოიყენება ტკივილის, უძილობის და სტრესის შესასუსტებლად, მაგრამ თუ თქვენ უბრალოდ სავარძელში გადაწოლა და განტვირთვა გჭირდებათ, ეს მცენარე ამ შემთხვევაშიც იდეალური ვარიანტია.

ეს არის მცენარე, რომლის გაზრდაც ზედმეტი თავის ტკივილის გარეშე შეგიძლიათ. როგორც სხვა კუშებს, არც მას ჭირდება განსაკუთრებული ყურადღება და იდეალური პირობები.
საბოლოო ჯამში ეს  სთრეინი, არაიდეალურ პირობებშიც განსაკუთრებით კარგ შედეგს იძლევა.

BUBBA KUSH

უკვე დიდი ხანია რაც შეერთებულ შტატებში ეს სთრეინი  სტაბილურად ინარჩუნებს პოპულარობას. Bubba Kush-მა კანაფის სამყაროში ცნობადობა მისი დამამშვიდებელი ეფექტით მოიპოვა.

ეს სთრეინი გამოკვეთილად ინდიკა-დომინანტია. მას პატარა სიმაღლის მიუხედავად მოზრდილი ფოთლები და შეკრული, მჭიდრო სტრუქტურის კვირტები უყალიბდება, რომლებიც გარდამავალი ფერებით გამოირჩევა.

სთრეინი ოთხმოცდაათიანების შუა პერიოდის ორი ტიპის Bubba Kush-ის გენეტიკებისგანაა შექმნილი.

სხვა Kush-ების მსგავსად, ეს სთრეინიც ზრდის თითქმის ყველა გარემოსა და ვარიანტთანაა თავსებადი. კომპაქტური ზომის გამო იგი განსაკუთრებით კარგი ვარიანტია მათთვის, ვისაც მცენარის გასაზრდელად მცირე სივრცე აქვს გამოყოფილი.
გამომდინარე იქიდან, რომ Bubba Kush-ს ძლიერი მომადუნებელი ეფექტი აქვს, მისი მოხმარება საღამოს საათებში სრული განტვირთვისთვის უფრო გონივრულია. იგი გარკვეულწილად სამედიცინო სფეროშიც გამოიყენება.

Bubba Kush-ს სხვა Kush-ების მსგავსად, ინტენსიური მოტკბო-მომწარო არომატი აქვს.

SKYWALKER KUSH

Skywalker Kush არის OG Kush-ისა და Skywalker-ის გენეტიკების მატარებელი  სთრეინი, რომელიც გამოირჩევა მაღალი THC-შემცველობით. იგი ფოტოპერიოდული მცენარეა და თითქმის ყველანაირ პირობებში იზრდება. თუ თქვენ სფეროში ახალი ხართ ან უბრალოდ დიდი რაოდენობის მოსავალს და ხარისხს თანაბარ მნიშვნელობას ანიჭებთ ეს სთრეინი თქვენთვის იდეალური არჩევანია.

ეს მცენარე საკმაოდ სწრაფად ყვავილობს (63 დღე) და დასრულებისას 20%-მდე THC-ს შეიცავს, რაც შესანიშნავ, რელაქსაციურ ზემოქმედებას განაპირობებს.

Skywalker-ი სხვა Kush-ებთან შედარებით ოდნავ მაღალი იზრდება, ასე რომ შესაძლოა დაგჭირდეთ სქროგის სეთაფის გამოყენება, რაც არც თუ ისე რთულია და მოსავლიანობის მნიშვნელოვან ზრდას გამოიწვევს.

Misty Kush

ეს სთრეინი გვიჩვენებს თუ როგორ შეიძლება კანაფის გენეტიკამ სრულყოფილებას მიაღწიოს. ეს სთრეინი კარგად ცნობილ და პატივსაცემ Master Kush-სა და Medusa-ს (Misty, White Widow და Skunk #1-ის გენეტიკები) აერთიანებს.  ეს არის მცენარე, რომელიც იზრდება როგორც სახლის პირობებში, ასევე გარეთ და 600გრ/მ²-მდე, საკმაოდ ხარისხიან მოსავალს დებს.

Misty Kush-ს ციტრუსის, ლიმონის და ტკბილეულის არომატი ახასიათებს. ეს სთრეინი სამედიცინო სფეროშიც საკმაოდ პოპულარულია. გამოიყენება კრუნჩხვების, დეპრესიის და ქრონიკული ტკივილების წინააღმდეგ. CBD-ს საშუალო შემცველობიდან გამომდინარე, მას ხანგრძლივი და ძლიერი მოქმედება ახასითებს.

Kush Bomb

თუ სასურველი სთრეინის ძებნისას THC შემცველობას დიდ მნიშვნელობას ანიჭებთ, შესაძლოა Southern Cali Kush-ისა და Big Bomb-ის კომბინაციამ დაგაინტერესოთ.

სათანადოდ მოვლის შემთხვევაში Kush Bomb-ის THC შემცველობა 25%-ს აღწევს, რაც საშუალოზე ბევრად მაღალია. ეს  სთრეინი შესანიშნავი საშუალებაა განსატვირთად და ყველანაირი სტრესის მოსახსნელად. ეს ინდიკასა და სატივას იდეალური მიქსი ოთახის პირობებში საკმაოდ დიდი რაოდენობით – 700 გრ/მ²-მდე ლიმნის არომატის მოსავალს მოგცემთ.

თუ გაგიმართლებთ, ამ მცენარეს პირველი ყვავილების გამოტანა საკმაოდ ადრე- მეშვიდე კვირაში  შეუძლია.

ჩამოთვლილიდან გამომდინარე ალბათ გასაკვირი არაა, რომ Kush Bomb-ის პოპულარობა დღითიდღე იზრდება.