კანაფის თემატიკით დაინტერესებულ ადამიანთა შორის ცოტაა ისეთი, ვისაც ჯეკ ჰერერი არ გაუგია. შეერთებულ შტატებში მარიხუანასთან დაკავშირებული კანონმდებლობის შეცვლაში მისი უდიდესი როლი დაუფასებელი არ დარჩენილა- Sensi Seeds-მა მისი სახელი თავიანთ ერთ-ერთ სთრეინს დაარქვა. საბოლოოდ სთრეინიც ისეთივე ლეგენდარული გამოდგა როგორიც თავად იყო და თქვენც, სავარაუდოდ სწორედ ამიტომ იცით მისი სახელი.
ჯეკ ჰერერი 1939 წელს დაიბადა ნიუ იორკში. ის იყო მოწინავე აქტივისტი, ვინც აიძულა მთავრობა მარიხუანას დეკრიმინალიზაცია და შემდეგ ლეგალიზაცია მოეხდინათ. საინტერესოა რომ ჰერერი თავიდან მარიუანას მიმართ ნეგატიურად იყო განწყობილი. როგორც ვიეტნამის ომის ვეტერანს, მას მაშინაც არ ეთანხმებოდა მთავრობის შეხედულებებს და ჩართული იყო antiwar მოძრაობაში „un-American” სახელით. კანაფის მიმართ განწყობა გონებაგახსნილ ჰერერს მაშინ შეეცვალა, როცა 30 წლის ასაკში პირველი ჯოინთი მოწია და კანაფის დადებითი მახარეები დაინახა. რაც უფრო მეტად ეცნობოდა ყველაფერს მცენარეზე, უფრო და უფრო ხმამაღლა მოითხოვდა ლეგალიზაციას სხვადასხვა კამპაინებითა და აქციებით. 1973 წელს ჯეკმა და მისმა მეგობარმა “Capt” ედ ადეირიმ vience beach-ში გახსნეს მაღაზია, სადაც ისინი ბონგებს და ჩიბუხებს ყიდიდნენ, ლეგალიზაციისთვის ბრძოლის პარალელურად. მათი ერთ-ერთი მიზანი იმ ადამიანების განთავისუფლება იყო, ვინც მარიხუანას შენახვისა და მოხმარებისთვის იხდიდნენ სასჯელს.
ჰერერი ცნობილი მისი წიგნით-„The emperor has no clothes” რომელშიც მან ახსნა როგორ შეიძლება კანაფმა ჩაანაცვლოს ყველანაირი წიაღისეული საწვავი, ასევე ქაღალდი და სხვა ქსოვილები. ჰერერი ასევე შეეხო მცენარის მედიცინაში გამოყენების პოტენციალსაც.
ჰერერი წერს, რომ კანაფის კანონგარეშედ დატოვების რეალური მიზეზი სიხარბე და კორპორატიული შემოსავლის შენარჩუნების სურვილი იყო. მან მთავრობა დაადანაშაულა მცენარის და მისი მრავალი სარგებლის შესახებ ინფორმაციის დამალვაში და დაწერა, რომ მთავრობა მრავალ მილიონიან კორპორაციებს ხალხზე და მათ კეთილდღეობაზე წინ აყენებდა. ჰერერს წიგნის დაწერის იდეა ციხეში გაუჩნდა 1983 წელს, როცა სასჯელს დაუმორჩილებლობისთვის იხდიდა. იგი უარს ამბობდა პარკირების ადგილის დატოვებაზე, რადგან პეტიციაზე ხელმოწერების შეგროვებას ცდილობდა. წიგნი 1985 წელს გამოიცა და დღემდე გამოიცემა. წიგნები კანაფის ფურცლებზეა დაბეჭდილი. წიგნის წაკითხვა უფასოდ შეგიძლიათ jackherer.com-ზე- მისი ცოლის შექმნილ ოფიცილურ ვებგვერდზე.
ჯეკ ჰერერი პირველმა გულის შეტევამ ნახევრად პარალიზებული დატოვა 2000 წელს. მან სამკურნალოდ ფსიქოაქტიური სოკო ამანიტა მუსკარია გამოიყენა, რისი წყალობითაც თითქმის მთლიანად გამოჯანმრთელდა. 6 წლის შემდეგ 12 სექტემბერს Hempstalk ფესტივალის ბექსთეიჯზე გულის შეტევა გაუმეორდა. ჰერერი 2009 წლის 15 აპრილს გარდაიცვალა 70 წლის ასაკში, 4/20-მდე ხუთი დღით ადრე.
