4/20 კანაფის სამყაროს კალენდარზე უმნიშვნელოვანესი თარიღია. ეს რიცხვი კანაფის კულტურის სიმბოლოდ იქცა და ალბათ, რა თქმა უნდა შენც გსმენია, მაგრამ იცი თუ არა რეალურად მისი წარმომავლობის შესახებ? როგორც თითქმის ყველა მწეველმა ვიცოდით “The Waldos“-ს სახელით ცნობილმა მეგობრების ჯგუფმა ჩამოაყალიბა „420“ მოძრაობა და ამ ყველაფრის წარმომავლობასაც სწორედ მათ უკავშირებენ, მაგრამ ეს ფაქტი კითხვის ნიშნის ქვეშ მათმა კონკურენტმა ჯგუფმა დააყენა.
იმის მიუხედავად, თუ ვინ გამოიყენა ეს რიცხვი პირველმა, შეიძლება დარწმუნებით ითქვას, რომ ამ სახელწოდების ფესტივალი პირველად ოთხმოცდაათიანების დასაწყისში ჩატარდა და მას სახელი „The Grateful Dead”-მა და „High Times Magazine”- ჟურნალმა გაუთქვეს.
1990 წლის ნოემბერში High Times-ის რეპორტიორი სტივ ბლუმი დაესწრო The Grateful Dead-ის ერთ ერთ კონცერტს სადაც მიტანილი ქონდათ ყვითელი ფლაერი, რომელიც 4/20-ის წარმოშობას იუწყებოდა და ეპატიჟებოდა ხალხს მარიხუანას თემის, 20 აპრილის შეკრებაზე:
„ვხვდებით Marin Country-ში 4:20-ზე 4/20-ში და ‘გავა-420-ოთ’” ფლაერი ასევე ამ რიცხვების წარმომავლობასაც ხსნის: „420 სადღაც სან რაფაელში, კალიფორნიაში წამოიწყეს გვიან 70ანებში. კოდი 420- ასე მოიხსენიებდნენ პოლიციელები მარიხუანას მოწევის ფაქტს. როცა ამაზე გაიგეს, მწეველებმაც დაიწყეს ამ „კოდის“ გამოყენება- „Let’s go 420,dude” ცოტა ხნის შემდეგ კი რაღაც საოცარი მოხდა- ხალხმა დაიწყო მოწევა დღის და ღამის 4 საათსა და 20 წუთზე.
რეალურად ფლაერი მთლიანად მართალი არ ყოფილა, პოლიციაში ასეთი კოდი არ არსებობდა. ფლაერის ტექსტი კი უფრო შორს მიდიოდა და ახალ დღესასწაულს- 4/20-ს აანონსებდა: „4/20 ანუ 20 აპრილი ის დღეა, როდესაც თქვენ ყოველ წელს სამსახურიდან ან სკოლიდან „დეიოფი“ უნდა აიღოთ..“
High Times-მა ფლაერი პირველად 1991 წლის გამოცემაში დაბეჭდა, მას შემდეგ ჟურნალში ხშირად შეხვდებოდით 420-ს, რამაც ამ რიცხვს ადგილი დაუმკვიდრა კანაფის ლექსიკონში.
4/20-ს დღესასწაულად ქცევიდან რამდენიმე წელიწადში აღარავინ იცოდა ვინ იყო ამ იდეის ავტორი. 90ანების ბოლოს ჰაგერმა წერილი მიიღო სტივ კაპერისგან, სადაც ის წერდა, რომ მან და მისმა მეგობრებმა, რომლებიც თავს „the Waldos“ უწოდებდნენ, 1971წელს წამოიწყეს ეს ყველაფერი. ვალოების ლიდერი ჰაგერს თავისთან იწვევდა, რათა მისთვის სიმართლე დაემტკიცებინა. სან რაფაელში ჩასული ჰაგერი კაპერის ჯგუფის სხვა წევრებს შეხვდა, რომლებმაც მას 70-იანების დასაწყისში გაგზავნილი წერილები აჩვენეს, სადაც ამ რიცხვს კანაფთან მიმართებაში იყენებდნენ. რეპორტიორმა ამის შესახებ 98-ში დაწერა და ვალდოებს 420-ის ავტორები უწოდა. ვალდოები ერთ სკოლაში სწავლობენ, ისინი ყოველ დღე 4 საათსა და 20 წუთზე ხვდებოდნენ ერთმანეთს, როცა მათი გაკვეთილები მთავრდებოდა, ეწეოდნენ და მიტოვებული კანაფის პლანატაციის საძებნელად მიდიოდნენ. როგორც კაპერი ამბობს მათ მიტოვებული პლანტაცია არ უპოვიათ, მაგრამ მათი შეხვედრის დრო არ იცვლებოდა. 420-მა მათთვის ნელნელა ახალი ნიშვნელობა შეიძინა და როცა საუბარი მოსაწევს ეხებოდა სწორედ ამ კოდს იყენებდნენ.
2015 წელს, ვალდოებისთვის 420-ს წარმოშობის მიწერიდან 15 წლის შემდეგ “Bone boy”-ს სახელით 420 Magazine-მ წერილი მიიღო სადაც ეწერა რომ ამ რიცხვების ნამდვილი ავტორები ის და მისი მეგობრები იყვნენ.
ბონი წერდა, რომ რეალურად ეს რიცხვი მარიხუანას მიმართებაში პირველად მისმა მეგობარმა ბრედ ბანმა გამოიყენა, რომელიც ასევე სან რაფაელის საშუალო სკოლის ერთ-ერთი ჯგუფის ლიდერი იყო რომლებიც თავს “The Bebes”-ს უწოდებდნენ. როგორც ის ამბობს 4 საათი და 20 წუთი ის დროა, როცა ჯგუფის ორი წევრის სახლში 1972 წლის ოქტომბერში მოსაწევად პირველად შეიკრიბნენ. როგორც ბონი ამბოს ეს იყო დღე როცა პირველად გაჟღერდა ფრაზა – 4:20ა, დროა მოვწიოთ.
როგორც აღმოჩნდა „ბებეები“ „ვალდოებს“ 4:20-ის მითვისებაში ადანაშაულებენ და იმასაც ამობენ, რომ სახელი ვადლოები ამ ჯგუფს ბებეების ერთ-ერთმა წევრმა შეარქვა მათი უგუნური ბუნების გამო.
მომდევნო წელს ვალდოებმა სიჩუმე დაარღვიეს და პასუხი გამოაქვეყნეს, სადაც წერენ, რომ ეს სტატია მთლიანად შეთხზულია და ბებეებზე არაფერი სმენიათ. ვალდოებმა საპასუხოდ საიტიც გააკეთეს 420waldos.com სადაც ყველა მტკიცებულება ატვირთეს, რაც თავის დროზე რეპორტიორს წარუდგინეს.
მეორეს მხრივ ბებეები ისევ ირწმუნებიან, რომ მართლები არიან და იმასაც ამბობენ, რომ მათი შეკრების აუდიოჩანაწერი აქვთ, სადაც 420ს მარიხუანასთან მიმართებაში იყენებენ, მაგრამ როცა რეპორტიორმა ეს ჩანაწერი ითხოვა ჯგუფის ყველა წევრმა იპასუხა, რომ თავისი ასლები დაკარგეს.
საბოლოოდ იმის მიუხედავად, თუ ვინ დააკავშირა ეს ციფრები მარიხუანას, 420 მოწევის კულტურის სიმბოლოდ იქცა.
