მცენარის მოსავლიანობა და სასარგებლო მიკრობები – ერთია, რომ მცენარის მოსავლიანობის გაზრდა შესაძლებელია, მაგრამ ამ ყველაფრის საუკეთესო ნაწილი ისაა, რომ ამის გაკეთება მარტივად, უსაფრთხოდ და ბუნებრივადაა შესაძლებელი სასარგებლო მიკრობების წყალობით.
რა არის სასარგებლო მიკრობები
მარტივად რომ ვთქვათ, მიკრობები სიცოცხლის იმდენად მცირე ფორმებია, რომ მათი დანახვა მხოლოდ მიკროსკოპის ქვეშაა შესაძლებელი. ამ სტატიაში ჩვენ კონკრეტულად ნიადაგში მცხოვრებ მიკრობებზე ვისაუბრებთ. მიკრობებსა და მცენარეებს შორის ურთიერთობა საკმაოდ კომპლექსურია. ეს ორი ათასწლეულების განმავლობაში ერთმანეთზე გადაჯაჭვული განვითარდა.
არსებბობს სასარგებლო და საზიანო მიკრობები. სასარგებლო მიკრობების დამატებით თქვენ შეგიძლიათ მათ შორის დისბალანსი შემოიტანოთ და სიტუაცია თქვენს სასარგებლოდ შემოატრიალოთ. ნიადაგში დამატებისას ეს ორგანიზმები უტევენ საზიანო მიკრობებს და პათოგენებს, რითაც მცენარეს თავიდან აცილებენ საფრთხის დიდ ნაწილს. ასე რომ, იმის მიუხედავად თუ სად ზრდით მცენარეს, ნიადაგში სასარგებლო მიკრობების შეტანა მიზანშეწონილია.
როგორ ეხმარება სასარგებლო მიკრობები მცენარეს მოსავლიანობის გაზრდაში
მიკრობები ძირითადად მცენარის ზრდას მისთვის დამატებითი საკვები ნივთიერებების მიწოდებით აძლიერებენ. ეს ორგანიზმები მცენარეს საშუალებას აძლევენ ნიადაგში არსებული სასიცოცხლო მინერალები უკეთესად აითვისოს. საუბარია ისეთ მინერალებზე, როგორიცაა აზოტი, ფოსფორი და კალიუმი. საპასუხოდ მცენარის ფესვები ათავისუფლებს ნივთიერებებს, რომლებსაც ექსუდატები ეწოდება – მაგალითად, ამინომჟავები და ფოტოსინთეზის შედეგად მიღებული შაქარი ისევ ნიადაგში ბრუნდება, რაც კვებავს და აძლიერებს სასარგებლო მიკრობებს. არსებობს ორი ძირითადი ტიპის სასარგებლო მიკრობი, რომელთა გამოყენებაც მებაღეებს შეუძლიათ, ესენია:
მიკორიზა – სოკო რიზოსფეროში (მიწის ტერიტორია მცენარის ფესვებს ირგვლივ).
იგი შეიძლება იყოს უჯრედშორისი ან უჯრედგარე. ეს სოკო ურთიერთქმედებს მცენარესთან და დადებითად მოქმედებს ნატრიუმის და კალიუმის თანაფარდობაზე ფესვის ქსოვილში და ზრდის ფესვთა სისტემის ფართობს.
რიზობაქტერია-ბაქტერია, რომელსაც ხშირად მოიხსენიებენ როგორც PGPR- მცენარეთა ზრდის ხელშემწყობი რიზობაქტერიები. ისინი მცენარის გამძლეობას აუმჯობესებენ სტრესის წინააღმდეგ, რითაც მოსავლის ზრდას ასტიმულირებენ.
ეს ყველაფერი შემდეგი საშუალებებით მიიღწევა:
ფოტოჰორმონების წარმოება, რაც ამაღლებს მცენარის იმუნიტეტს პათოგენური შეტევის წინააღმდეგ.
აზოტის ფიქსაციისა და ფოსფატების ხსნადობის გაზრდა მძინე ლითონების ქელაციასთან ერთად. მიუხედავად იმისა, რომ PGPR-ის მცენარის მოსავლიანობის გაზრდის უნარის შესამოწმებლად მრავალი კვლევა ჩატარდა ისეთ მცენარეებზე, როგორიცაა ბრინჯი, ხორბალი, შაქრის ლერწამი და სოიო, მისი ეფექტურობის შესახებ კანაფის მცენარეზე დსკვნა 2018წლამდე არ გამოქვეყნებულა. კვლევამ აჩვენა, რომ ეს ბაქტერიები მოსავლიანობას ზრდის როგორც სხვა მცენარეეის, ისე მარიხუანას შემთხვევაში. გარდა ამისა, კვლევამ აჩვენა, რომ PGPR -ის ნიადაგში შეტანა გავლენას ახდენს მეტაბოლიტებზე, რაც იწვევს კანაბინოიდების ზრდას, ფესვის მასის ზრდას და ფესვბზე მცირე განშტოებების წარმოქმნას, რაც მცენარის საერთო ზრდის უნარს მნიშვნელოვნად აუმჯობესებს.
საზრდელ გარემოში სასარგებლო მიკრობების შეტანის უმარტივესი გზა ბიოსტიმულატორების გამოყენებაა. ამის რამდენიმე ვარიანტი არსებობს:
თესლის დამუშავება, რაც უნდა მოხდეს თესლის ნიადაგში მოთავსებამდე,
ფესვების დამუშავება, სადაც ფესვები ნიადაგში ჩარგვამდე მუშავდება,
ფოთლებზე შესხურება, რაც მცენარეს ისეთი გარე პათოლოგიებისგან იცავს, როგორიცაა ნაცრისფერი ობი,
საკვებ ნივთიერებებთან ერთად ნიადაგში მიწოდება, მკვებავ ავზში დამატება (აქ არსებობს გარკვეული მნიშვნელოვანი შენიშვნები: მაგალითად ჰიდროფონიკაში არ შეიძლება სასარგებლო მიკრობების შემცველი დანამატის ისეთ სადეზინფექციო საშუალებებთან ერთად მიცემა, როგორიცაა წყალბადის ზეჟანგი ან ქლორი-ანუ არ შეიძლება მათი მიწოდება ონკანის წყალთან ერთად სანამ იგი ქლორისგან არ გაიწმინდება (12-24სთ))
საზრდელ გარემოში სასარგებლო მიკრობების შესატანად შეგიძლიათ გამოიყენოთ ისეთი პროდუქტები,
როგორიცაა piranha და Great White->
> 5.5 gr <
> 20 gr <
