მოსავლის აღება მარტივი საქმე საერთოდ არაა. იგი არ მოიცავს უბრალოდ ტოტების მოჭრას და გასაშრობად დაკიდებას, როცა ამის სურვილი გაქვთ. მოსავლის აღებამდე აუცილებლად უნდა დარწმუნდეთ, რომ მცენარე დასრულებულია და მისულია იდეალურ სიმწიფემდე. ამ სტატიაში გაიგებთ რის მიხედვით უნდა გაარკვიოთ არის თუ არა მცენარე დასრულებული, ავტოყვავილებადი მცენარის სიცოცხლის ციკლის საშუალო ხანგრძლივობას და დეტალებს ზრდის თითოეული ძირითადი ეტაპის შესახებ.
მოსავლის აღების დრო. მარტივად ჟღერს, არა? მიუხედავად იმისა, რომ ტოტების დაჭრიას დიდი გონების ძალა არ სჭირდება, მაგრამ იმის დადგენა, ზუსტად როდისაა მცენარე მზად იდეალური მოსავლის გაცემისთვის საკმაოდ რთული საქმეა. ამის დასადგენად გჭირდებათ იცოდეთ ავტოყვავილებადი და ფოტოპერიოდული მცენარის მოსავლის აღებას შორის განსხვავება, გამომდინარე იქიდან, რომ ავტოყვავილებადი მცენარე გაცილებით სწრაფად ყვავილობს. თუ მოსავლის აღებას დააგვიანებთ ან პირიქით ზედმეტად ადრე დაიწყებთ პროცესს, დიდი შანსია, რომ მოსავალს იმაზე მკვეთრად ნაკლები კანაბინოიდებისა და ტერპენების შემცველობა ექნება, ვიდრე უნდა ქონდეს.
იხელმძღვანელეთ ქვემოთ მოცემული ინფორმაციით, რომ ზუსტად დაადგინოთ არის თუ არა მოსავლის აღების დრო და რამდენიმე დღით ნაადრევი ან დაგვიანებული ჰარვესთის გამო არ გააფუჭოთ შვილივით ნაზარდი მცენარის მოსავალი.
როგორ უნდა გავიგოთ მზად არის თუ არა ავტომოყვავილე მცენარე მოსავლის აღებისთვის
თქვენ წარმატებით აქციეთ პატარა კაკალი ჯანსაღ, მაღალპროდუქტიულ, ნაყოფით სავსე მცენარედ, მაგრამ როგორ უნდა მიხვდეთ არის თუ არა მოსავლის აღების დრო? საბედნიეროდ არსებობს რამდენიმე ნიშანი, რომლითაც შეგიძლიათ იხელმძღვანელოთ: პირველ რიგში უნდა დააკვირდეთ ტრიქომისა და ბუტკოს (ბუტკო-ყვავილის ცენტრში მოთავსებული მდედრობითი რეპროდუქციული ორგანო; შედგება ნასკვის, სვეტისა და დინგისგან) ფერს და ფოთლების შესახედაობას, ასევე უნდა იცოდეთ რამდენი დროა გასული ჩითილობის დაწყებიდან. ამ ყველაფერს, სიღრმისეულად, ქვემოთ განვიხილავთ.
- სიცოცხლის ციკლის საშუალო ხანგრძლივობა
დასაწყისისთვის, პირველი რეკომენდაცია ზრდისას grow planner (ზრდის მგეგმავის) წარმოებაა. ესაა ერთგვარი დღიური, სადაც იწერთ ნებისმიერ მნიშვნელოვან ცვლილებას, რაც მცენარეში შეგაქვთ და ყველა მნიშვნელოვან თარიღს. ეს ყველაფერი საშუალებას გაძლევთ არამარტო თვალი ადევნოთ თქვენი მცენარის ზრდას და თქვენი შეტანილი ცვლილებეიბის ეფექტს, არამედ გაწვდით ინფორმაციას მოსავლის აღების დროის დასადგენ, ერთ-ერთ უმნიშვნელოვანეს ასპექტზე, რომელიცაა მცენარის დათესვის და ზრდის თითოეულ ეტაპზე გადასვლის დრო.
ჩვენს საიტზე არსებულ ყველა თესლს აღწერაში მითითებული აქვს სიცოცხლის საშუალო ციკლი/ყვავილობის ხანგრძლივობა. თუ grow planner-ით არ სარგებლობთ, შეგიძლიათ ამ ზოგადი ვადით იხელმძღვანელოთ და ასე გადადგათ პირველი ნაბიჯი მოსავლის აღების ოპტიმალური დროის განსაზღვრისკენ. - ტრიქომები
ტრიქომის შფერილობა კანაფის მცენარის სიმწიფის ყველაზე ზუსტ ინდიკატორს წარმოადგენს.
ტირქომები პატარა მბზინავი, სოკოს ფორმის ჯირკვლებია, რომლებიც კანაფის ნაყოფს ფარავს. სწორედ ეს სტრუქტურა აწარმოებს კანაბინოიდებსა და ტერპენებს.
ტრიქომები ყვავილობის დროს გამჭირვალე, მბზინავ სოკოს ფორმის სტრუქტურას წარმოადგენენ, მაგრამ როცა მოსავლის აღების დრო მოდის მათი შეფერილობა იცვლება – მათი გარსი მუქდება და საბოლოოდ ქარვისფერი ხდება. ეს ცვლილება რეალურად იმაზე მეტს წარმოადგენს, ვიდრე უბრალოდ ფერის შეცვლაა, ყვავილობის შმდეგ, მოსავლის აღების დროის მოსვლასთან ერთად ტრიქომების ქიმიური შემადგენლობა იცვლება. გამადიდებელი შუშის ან მინი მიკროსკოპის საშუალებით, რომელსაც ნებისმიერ გროუშოპში შეიძენთ, მათ შორის ჩვენთანაც, შეგიძლიათ ახლოდან დააკვირდეთ ტრიქომებს და მათი ფერის ცვლიებასთან ერთად უკვე დაიწყოთ მოსავლის აღებისთვის მზადება. კიდევ ერთხელ კარგად რომ გავშალოთ ეს თემა ესაა ძირითადი ასპექტები, რომლებითაც ტრიქომებზე დაკვირვების დროს უნდა იხელმძღვენელოთ:
გამჭირვალე ტრიქომები ნიშნავს, რომ მცენარე ჯერ კიდევ ყვავილობს და მწიფობის პროცესშია, ტრიქომები აგრძელებენ ზეთების გამოყოფას – ეს რა თქმაუნდა ნიშნავს, რომ მოსავლის აღება ჯერ ადრეა.
დაბურული ტრიქომები ნიშნავს, რომ ისინი დატვირთულია THC-ით, რაც მიუთითებს იმაზე, რომ კარგი დროა დაიწყოთ მოსავლის აღება, თუ უფრო ძლიერი ცერებრალური ეფექტი გიზიდავთ.
ქარვისფერი ტრიქომები მიუთითებს, რომ მათში THC შემცველობა დაქვეითდა და გაიზარდა CBN-ის შემცველობა, ეს ქიმიური ბალანსი უფრო ძლიერ ფიზიკურ “stoning” ეფექტს იძლევა, ვიდრე ცერებრალურს.
- პისტილები
პისტილები მოსავლის აღების დროის კიდევ ერთი, თუმცა ნაკლებად სანდო ვიზუალური ინდიკატორია. ისინი ბუსუსების მსგავს ამობურცულ სტრუქტურას წარმოადგენენ calyxes-ის არეებში. (ტერმინოლოგიამ რომ არ დაგვაბნიოს იხილეთ ფოტო)
ისინი მცენარის რეპროუქციულ ორგანოს წარმოადგენენ. მწიფობისას პისტილები თეთრი შეფერილობისაა, თუმცა ნაყოფის უყვეტ ცვლილებასთან ერთად, მათი შეფერილობა მუქ ნარინჯისფრად, წითლად იცვლება. THC-ს მაქსიმალური დონისთვის მოსავლის აღებამდე რეკომენდირებულია პისტილების 60-70%-ის გამუქებას დაელოდოთ. თუ გსურთ, რომ მოსავალი მეტ CBN-ს შეიცავდეს და შედარებით დაიკლოს THC-ს დონემ დაელოდეთ მათი 80-90%-ის გამუქებას.
- ფოთლები
ფოთლებს მცენარის შესახებ ბევრი რამის თქმა შეუძლიათ. ისინი ერთგვარ ვიზუალური კომუნიკაციის გაზას წარმოადგენენ ადამიანსა და მცენარეს შორის. ფოთლები მიუთითებენ ჯანმრთელობის პრობლემებზე, იქნება ეს საკვები ნივთიერებების ნაკლებობია, მავნებლები, სინათლის სტრესი თუ სითბური სტრესი..
საბედნიეროდ, ფოთლები ასევე საიმედო სიგნალს წარმოადგენენ, იმის შესატყობინებლად არის თუ არა მოსავლის აღების დრო. მოსავლის აღების დროის მოახლოებასთან ერთად მცენარის ფოთლები მოყვითალო-მოყავისფრო შეფერილობას იღებენ და ზოგ შემთხვევაში მცენარეს ქვედა ფოთლები სცვივა. ამ ყველაფრის დანახვაზე შესაძლებელია დამწყებმა მებაღეებმა ინერვიულონ, მაგრამ საშიში არაფერია, მცენარის სიცოცხლის ციკლის მიწურულს ფოთლების შეფერილობის ცვლილება და ფოთოლცვენა მხოლოდ იმის ნიშანია, რომ მცენარე ზრდას ასრულებს და თავის რესურსს ჯანსაღი, ხარისხიანი ნაყოფის წარმოქმნაზე მიმართავს. - სურნელი
ვინ იფიქრებდა.. კვირტები ჰაერში არომატული ტერპანების გამოყოფას ყვავილობის დასაწყისში იწყებენ, მაგრამ მოსავლის აღების მოახლოებასთან ერთად ეს სურნელი საგრძნობლად ძლიერდება მოსავლის აღების ჟამს რამდენად გაიჟღინთება ჰაერი ამ ზოგისთვის საყვარელი და ზოგისტვის უსიამოვნო სურნელით, რა თქმა უნდა, თქვენი არჩეული შტამის ტერპენის პროფილზეა დამოკიდებული. - წყლის შემცირებული მოთხოვნა
როგორც კი მცენარე მოსავლის აღების პერიოდს აღწევს, მას წყლის მიღების საჭიროება საგრძნობლად უმცირდება. ამ ეტაპზე მცენარე ზრდას წყვეტს, შესაბამისად მისი წყურვილიც მცირდება. დარწმუნდით, რომ ზემოთხსენებული ნიშნების შემჩნევისას, მოსავლის აღებამდე მცენარეს არ მიაწვდით ზედმეტ წყალს!
საშუალოდ რა დრო ჭირდება ავტოყვავილებადი მცენარეს დასასრულებლად?
თქვენ უკვე შეგიძლიათ გარკვეული ნიშნების მიხედვით განსაზღვროთ მოვიდა თუ არა მოსავლის აღების დრო, მაგრამ საშუალოდ რა დრო ჭირდება ავტოყვავილებად მცენარეს ჩითილობიდან დასრულებამდე?
რა თქმა უნდა, ამ კითხვაზე პასუხი მცენარის სახეობაზეა დამოკიდებული. ავტოყვავილებადი მცენარის კონკრეტულ ჯიშებს გარემოპირობების მიუხედავად ერთი და იგივე დროში გადის მთლიან სიცოცხლის ციკლს.
ამ მხრივ ისინი ძალიან განსხვავდებიან ფოტოპერიოდული მცენარეებისგან. როგორც სახელიდანაც ჩანს, ფოტოპერიოდული შტამები განსაკუთრებულად მგრძნობიარენი არიან სინათლის მიმართ და ბოქსში ზრდისას მხოლოდ 12/12 სინათლის ციკლზე გადაყვანისას იწყებენ ყვავილობას. გარეთ მზარდი ფოტოპერიოდული მცენარეებისთვის სინათლის ასეთი ციკლი შემოდგომისას გვხვდება.
ავტომოყვავილე მცენარეების ყვავილობის დაწყება სინათლის ციკლზე საერთოდ არაა დამოკიდებული. ისინი შეიცავენ Cannabis ruderalis-ის ქვესახეობების გენეტიკას, რის გამოც მათი ყვავილობის ფაზაში გადასვლა მხოლოდ დროზეა დამოკიდებული.
- ავტომოყვავილე მცენარეების საშუალო სიცოცხლის ციკლი
ზემოთ აღნიშნულის გათვალისწინებით, ავტოყვავილებადი მცენარეების უმეტესობის სასიცოცხლო ციკლი 8-14 კვირას მოიცავს, რაც ბევრად უფრო სწრაფია, ვიდრე ფოტოპერიოდული შტამების შემთხვევაში. - ავტომოყვავილე მცენარეების ქრონოლოგია
იმისთვის, რომ კარგად გავიგოთ თუ რა ხდება ავტოყვავილებადი მცენარეების სიცოცხლის ციკლის განმავლობაში, გაგაცნობთ საშუალოდ რა ვადებს მოიცავს მათი სასიცოცხლო ციკლის თითოეული ეტაპი:
ჩითილობა ტექნიკურად ვეგეტატიური ფაზის ნაწილია. ეს ეტაპი დაახლოებით 1-2 კვირა გრძელდება. იწყება მაშინ, როდესაც თესლი სკდება და მთავრდება, როცა მცენარე წარმოქმნის პირველ ნამდვილ ფოთლებს.
ვეგეტაცია ჩითილობასთან ერთად ჯამში 3-4 კვირას მოიცავს (ჩითილობის გარეში 2-3 კვირა) ჯიშის მიხედვით. ამ დროის განმავლობაში მცენარეები მნიშვნელობნად იზრდებიან ზომაში, წარმოქმნიან ფოთლებს და აყალიბებენ ძლიერ სტრუქტურას, რათა შეძლონ ხარისხიანი, დიდი ნაყოფის წარმოქმნა.
ყვავილობა ის ეტაპია, სადაც მთავარი ჯადოქრობა ხდება. ყვავილობის ეტაპზე მცენარე იწყებს კანაბინოიდებითა და ტერპენებით დატვირთული მკვრივი კვირტების წარმოქმნას. ეს ეტაპი საშუალოდ 6-10 კვირის განმავლობაში გძელდება.
