მცენარის პატარა სივრცეში ზრდა – ბევრი ადამიანი მიიჩნევს რომ მათ არ შეუძლიათ საკუთარი მცენარს გაზრდა, რადგან საკმარისად დიდი სივრცე არ აქვთ, მაგრამ რეალურად სწორი კულტივაციის შემთხვევაში დიდი რაოდენობის ხარისხიანი მოსავლის მიღება პატარა სივრცეშიცაა შესაძლებელი.

ზოგჯერ მიკრო-გროუინგად მოხსენიებული მცენარის მცირე სივრცეში ზრდის ხელოვნება განსაკუთრებით პოპულარული გახდა ბოლო წლებში. ჩვენ გასწავლით როგორ აიტვისოთ მაქსიმალურად საზრდელი სივრცე და როგორ აირიდოთ თავიდან კარადის ზომის ტენტის შეძენა.

რომელი სთრეინების გაზრდაა შესაძლებელი პატარა სივრცეში

პირველი, რაც უნდა გააკეთოთ არის სწორი სთრეინის შერჩევა, რომლებსაც კარგი მოსავლის დასადებად განსაკუთრებულად დიდი სივრცე არ ჭირდება. ისეთი სთრეინების ძიება, რომელსაც საზრდელად დიდი სივრცე არ სჭირდება საკმაოდ რთული რამაა, მაგრამ თუ აქამდე არ იცოდით ჩვენი საიტი თეგების საშუალებით ამ საქმესაც გიმარტივებთ. ეძებთ ერთ-ერთ სთრეინს, რომელსაც მახასიათებლებში კომპაქტური უწერია, მაგალითად Critical Kush Auto და აქლიქებთ შესაბამის თეგს „კომპაქტური“ და ეძებთ თქვენთვის სასურველ სიდს ამ მახასიათებლით.

პატარა სივრცეში ზრდა

ასეთი ძირითადად  ინდიკა-დომინანტი გენეტიკებია, რორმლებიც როგორც წესი სატივებზე მცირე ზომით გამოირჩევა. სატივები ყვავილობის დასაწყისში უფრო მეტად „იჭიმებიან“ ვიდრე ინდიკები. სინათლის რეჟიმის შეცვლის შემდეგ ზოგი სატივა შესაძლოა თავის სიმაღლეზე ორჯერ მეტად გაიზარდოს.

აქედან გამომდინარე შეზღუდულ სივრცეში ზრდისას ინდიკა-დომინანტი სთრეინების გამოყენება მეტად მიზანშეწონილია. ავტომოყვავილე შტამები ასევე ადაპტირებულია მიკრო-გროუინგისთვის, რადგან ისინი ზომაში შედარებით ნაკლებად იზრდებიან. თუმცა, იმის მიუხედავად თუ რა ჯიშს აარჩევთ არსებობს რამდენიმე ფაქტორი, რომლებიც პატარა სივრცეში ზრდისას უნდა გაითვალისწინოთ.

მაგალითად საზრდელი ნიადაგის და ქოთნის ზომა მნიშვნელოვან გავლენას ახდენს მცენარის ზომაზე. შესაბამისად მიკრო-გროუერების უმეტესობა შედარებით მცირე ზომის ქოთნებს ირჩევს, რაც მცენარეს არ აძლევს საშუალებას დიდი ფესვთა სისტემა განავითაროს და ზომაში დიდი გაიზარდოს. ეს მეთოდი საკმაოდ ჭკვიანურია, მაგრამ ამ ყველაფრის მერორე მხარე ისაა, რომ ფოტოპერიოდული სთრეინის ზრდის შემთხვევაში ყვავილობის დაწყებამდე, შესაძლოა მცენარემ ვერ განავითაროს ჯანსაღი ფესვთა სისტემა ასე რომ ყურადღებით იყავით, რომ საჭიროების შემთხვევაში განათების საშუალებით მცენარე იქამდე გადაიყვანოთ ყვავილობის ფაზაში სანამ ეს მოხდება. ან უბრალოდ შეარჩიეთ ავტოყვავილებადი მცენარე.

პატარა სივრცის კონტროლი

დიდი საზრდელი სივრცისგან განსხვავებით, სადაც ატმოსფერული პირობების უნიშვნელო ცვლილებები ადვილად გვარდება ყოველგვარი ჩარევის გარეშე, პატარა სივრცეში მცირე უზუსტობებმაც შესაძლოა ცუდი გავლენა იქონიოს მცენარის ზრდაზე. როგორც ყველანაირ ბოქსში ზრდისას აქაც აუცილებელია, რომ ტემპერატურა გამუდმებით 23 გრადუსზე იყოს, ხოლო ტენიანობა 75 პროცენტზე ქვემოთ, რაც ნიშნავს, რომ პატარა სივრცეში გარემო უფრო ყურადღებით უნდა აკონტროლოთ.

გროუტენტები ამ ყველაფერში თავადაც გეხმარებათ, რადგან ესაა სუფთა და მარტივად კონტროლირებადი გარემო. ტენტში სუფთა ჰაერის სათანადო ნაკადის უზრუნველყოფა ნომერ პირველი საშუალებაა ტემპერატურის და ტენიანობის მნიშვნელოვანი რყევის თავიდან ასაცილებლად, ამიტომ გამავალი ვენტილაციის დაყენება აუცილებელი ფაქტორია. საბედნიეროდ არსებობს საკმაოდ კომპაქტური ვენტილატორები, რომლებიც პატარა სივრცეში ზრდისთვის იდეალურია.

შემდეგი გასათვალისწინებელი ფაქტორი განათებაა. სამწუხაროდ, HPS ნათურები საკმაოდ ცუდად ერგება მცენარის პატარა სივრცეში ზრდას, რადგან ისინი წარმოქმნიან უამრავ სითბოს, რაც პატარა ბოქსში მნიშვნელოვნად გაზრდის ტემპერატურას. ასევე ასეთი განათება უნდა განთავსდეს მცენარიდან გარკვეულ სიმაღლეზე, რომ არ გამოიწვიოს მისი დაწვა, რაც მას საკმაოდ არაპრაქტიკულს ხდის.

ასე რომ მცირე სივრცისთვის LED განათების გამოყენება ბევრად უკეთესი ვარიანტია, რადგან ისინი ბევრად ნაკლებ სითბოს გამოიმუშავებენ და არც მცენარის დაწვას იწვევენ. მათი ერთადერთი მინუსი შედარებით ძვირი ფაისა, მაგრამ ხარისხიანი მცენარის მცირე სივრცეში გაზრდა ამ ინვესტიციად ნამდვილად ღირს.