1. კანაფთან დაკავშირებული რეკორდი – მსოფლიოში ყველაზე გრძელი ჯოინთი
2017 წელს მასაჩუსეტსში ორმოცმა მწეველმა ისტორიაში ყველაზე დიდი ჯოინთის გაკეთება გადაწყვიტა. მათ 30 მეტრიანი ჯოინთი გაახვიეს რისთვისაც მათ ერთ კილომდე მარიხუანა და ასობით შეკვრა გასახვევი ქაღალდი დაჭირდათ. ამ ყველაფრის ინიციატორი კიტ ლაჰამი ამბობს რომ მათ შედეგს მომზადების და რამდენიმე მცდელობის შემდეგ მიაღწიეს.
სამწუხაროდ ეს ყველაფერი ინგლისში მოხდა, სადაც კანაფი არალეგალურია, ისინი ამ რეკორდის გაოფიციალურებას ვერ მოახერხებდნენ და შესაბამისად ვერც გინესის რეკორდების წიგნში დაიკავეს ადგილი.
2. კანაფის უდიდესი არალეგალური პლანტაცია
2011 წელს მექსიკელმა ჯარისკაცებმა ტიხუანადან 240 კილომეტრში მთლიანი მონაკოს ზომის- 120 კვადრატულ მეტრ ტერიტორიაზე გაშენებული კანაფის პლანტაციას მიაგნეს. მცენარეები ჯერ არ იყო დასრულებული და მათი საშუალო სიმაღლე 1,3 მეტრს არ აღემატებოდა. ამ პლანტაციის სავარაუდო მოსავლის რაოდენობად 120 ტონა დაასახელეს, რაც დაახლოებით 160 მილიონი ლარის ღირებულებას შეადგენდა. პლანტაცია შესანიღბად შავი მატერიით იყო გადაფარული, რასაც პომიდვრის პლანტაციებში იყენებენ. აშკარაა, რომ ამ ხრიკმა დიდად ვერ გაამართლა. სამხედროებს პლანტაციის დასაწვავად 5 დღე დასჭირდათ.
3. დედამიწიდან ყველაზე დაშორებული კანაფი
2020 წლის მარტში SpaceX-ის Dragon Capsule-მა საერთაშორისო კოსმოსურ სადგურზე ასტრონავტებს მოსაწევი ჩაუტანა. ამ ყველაფრის მიზანი იქ მოხმარება და კოსმოსის ხედით დატკბობა არ ყოფილა. კანაფი კოსმოსში ცდების ჩასატარებლად წაიღეს. კომპანიის მოწინავე ბიო-ქიმიკოსების ამ იდეამ მათ საშუალება მისცა დაკვირვებოდნენ მცენარეების ზრდას ნულოვანი გრავიტაციის პირობებში. მცენარეებმა სადგურზე 30 დღე გაატარეს, რის შემდეგაც დედამიწაზე დაბრუნდნენ და მშვიდად განაგრძეს ზრდა.
4. კანაფის უმსხვილესი მომხმარებელი
2009 წლის ნოემბერში ფლორიდელმა ბროკერმა, ირვინ როზენფელდმა, მის 115 000-ე ჯოინთს მოუკიდა. როზენფელდი მარიხუანას ერთერთი ჩვეულებრივი მომხმარებელი არაა. მას ძვლის სიმსივნის იშვიათი ფორმა ტანჯავს, რასაც სამედიცინო მარიხუანას მოხმარებით უძლებს. მას 1981 წლიდან მოყოლებული ყოველ 25 დღეში ერთხელ თავად ამერიკის მთავრობისგან ეგზავნება 300 ცალი ჯოინთი, რომ მან დღეში 10-12 ჯოინთის მოხმარება შეძლოს ტკივილთან გასამკლავებლად. ირვინმა ABC News-თან ინტერვიუში განაცხადა რომ იგი ცოცხალი მტკიცებულებაა იმისა რომ სამედიცინო მარიხუანა მედიცინის დარგში ერთ-ერთი ეფექტური იარაღია. თუ მას შემდეგ როზენფელდმა მარიხუანას მოხმარება იმავე ტემპით განაგრძო ის ახლა დაახლოებით 160000-ე ჯოინთს უნდა ეწეოდეს.
5. კანაფთან დაკავშირებული რეკორდი – კანაფის უდიდესი ლეგალური პლანტაცია
კანადაში 2018 წელს კანაფის სრული ლეგალიზაციიდან გამომდინარე Aurora-მ დიდი ინვესტიციები გააკეთა, რათა მსოფლიოში კანაფის ერთ-ერთი უმსხვილესი მწარმოებელი გამხდარიყო წელიწადში 700 ტონა პროდუქციის წარმოებით. მის მრავალ ინვესტიციას შორის ორი უმსხვილესია Aurora Sky და Aurora Sun. პირველ კომპლექსს 7 ჰექტარი უკავია და წელიწადში დაახლოებით 100 ტონის წარმოება შეუძლია, ხოლო მეორე 11 ჰექტარზეა გადაშლილი წელიწადში 150 ტონამდე წარმოების შესაძლებლობით.
Auroras-ს საუბედუროდ ასეთ ინვესტიციებს არც სხვა კანადური კომპანიები შეუშინდნენ რის გამოც პროდუქციამ მოთხოვნას ბევრად გადაუსწრო და საჭირო გახდა მოეფიქრებინათ როგორ გაეყიდათ ამდენი პროდუქცია. საბოლოოდ მათ Aurora Sun-ის მიტოვება მოუწიათ, ხოლო Aurora Sky-ს გაშენება აღარ დაასრულეს. 2020 წლის დეკემბერში Aurora-მ განაცხადა რომ ისინი წარმოების 75%ით შემცირებას აპირებდნენ.
6. კანაფის უდიდესი ყადაღა ისტორიაში
1978 წლის ივნისში კოლუმბიის მთავრობამ, ამერიკელი ოფიცრების დახმარებით დააყადაღა ამ დრომდე უდიდესი რაოდენობის- 574 ტონა კანაფი, რომლის ფასიც მაშინ 200 მილიონ დოლარს შეადგენდა, ეს კი დღევანდელი მდგომარეობით 850 მილიონი დოლარი იქნებოდა. ეს „საბადო“ კოლუმბიის პროვინცია გუაჯირაში იქნა აღმოჩენილი.
7. მსოფლიოს უდიდესი ჯოინთი
ტონი გრინჰანდი გამორჩეული ხელოვანია- ის ჯოინთების სკულპტორია. მას გაკეთებული აქვს ჯოინთის სკულპტურები, რომლებიც პოპ კულტურის მნიშვნელოვანი ნაწილების, იარაღების, კანაფის ფოთლების და სხვა მრავალი ფორმით წარმოადგინა. გასაკვირი არაა, რომ მსოფლიოს უდიდესი ჯოინთი სწორედ მას ეკუთვნის. ტონიმ 2019 წელს გააკეთა 1,9 კილო მარიხუანას შემცველი ჯოინთი, რომელიც საზამთროსავით გამოიყურებოდა. მზადების და მოხმარების პროცესიც შეგიძლიათ ამ ბმულზე იხილოთ: https://www.youtube.com/watch?v=RAqPTimi6kU
8. ყველაზე ძვირადღირებული ჯოინთი
ყველაზე ძვირადღირებული ჯოინთი 2018 წელის აუქციონზე 4000 დოლარად გაიყიდა. მის შექმნას 500 მოსაწევი და 170 გრამი კონცენტრატი დაჭირდა. ეს საოცრება ჩვეულებრივ ქაღალდში ვერ გაეხვეოდა, ასე რომ ავტორმა 24-კარატი ოქროს ფურცელი გამოიყენა. ჯოინთი სიგრძეში 80 სანტიმეტრი იყო და სპილოს ეშვის ფორმა ქონდა. აღებული თანხა ავტორმა აფრიკის ველური ცხოველების დაცვის ფონდში გადარიცხა, რომელიც განსაკუთრებულ ყურადღებას სპილოებზე მონადირე ბრაკონიერებთან ბრძოლას უთმობს.
9. კანაფთან დაკავშირებული ყველაზე მწვავე სასჯელები
კანაფის საქმესთან დაკავშირებით დაფიქსირებული უმძიმესი სასჯელი სიკვდილით დასჯაა. ჩინეთში ამ მიზეზით მრავალი ადამიანია სიკვდილით დასჯილი. მოვაჭრეები სიკვდილით ისჯებიან სინგაპურშიც. ერთ ერთი ასეთი შემთხვევაა რამან სელვამ რეგანათანის საქმე რომლის სახლშიც 2,7 კილოგრამი მარიხუანა აღმოაჩინეს. იგი 2004 წელს ჩამოახრჩეს.
მსგავსი დანაშული სიკვდილით ისჯებოდა ინდონეზიაშიც. ყოფილმა პრეზიდენტმა 2002 წელს განაცხადა, რომ ნარკოტიკით მოვაჭრეებისთვის ერთადერთი შესაბამისი სასჯელი სიკვდილით დასჯაა. მალაიზიაში კანაფთან დაკავშირებული დანაშაულისთვის ბოლო სიკვდილით დასჯა 1996 წელს აღსრულდა.
შეერთებულ შტატებში სიკვდილით დასჯა მოქმედებს იმ დამნაშავეებზე რომლებსაც აღმოაჩნდებათ განსაკუთრებით დიდი რაოდენობის მცენარე. ასეთი მკაცრი სასჯელისთვის ბრალდებულს 60 000 კილოგრამამდე მარიხუანა უნდა უპოვონ.
10. ყველაზე მაღალი THC-ს შემცველი სთრეინები
ბევრი ლეგენდა არსებობს სთრეინებზე რომელთა THC შემცველობა 50%ზე მეტია. სამწუხაროდ რთულია თქმა ეს ყველაფერი სიმართლეს რამდენად შეესაბამება. მაგრამ არსებობს ბევრი სთრეინი რომეთა THC 25-30%-ს აღემატება. ასეთია მაგალითად Barney’s Farm-ის Mimosa Evo (30%მდე), Barney’s Farm Bubba Kush(29%მდე), Barney’s Farm Liberty Haze Feminized (25%), Mimosa Evo x Orange Punch (30%),Wedding Cake Auto (25%), Runtz Muffin Feminised (29%), ასევე Seedsman-ის Gelat OG (25%) და Amnesia (25%).
